जगण्यासाठी खातो कि खाण्यासाठी जगतो ?

आजकालच्या परिस्थितीला बघून मला माझ्या लहानपणीची  गोष्ट आठवली .  आमचा  एक खेळ होता एखादा प्रश्न विचारला कि विचार न करता पटापट उत्तर द्याचं   त्यात माझ्या भावाने मला प्रश्न विचारला " खाण्यासाठी जगतेस कि जगण्यासाठी खातेस  " विचार न करता मी उत्तर दिल " खाण्यासाठी  जगते " माझ उत्तर ऐकून सर्वजण हसायला लागले , मला चिडवायला लागले लहान  होते त्यामुळे मला त्याचा अर्थ कळला  नव्हता पण अपमान झाला ,सर्वजण  हसले म्हणून  खूप वाईट वाटले. खूप वर्ष लोटून गेले पण हि आठवण  अजून लक्षात आहे . 

या आजकालच्या परिस्थितीत हा प्रश्न सर्वाना विचारावासा वाटतो . जगण्यासाठी खाता  कि खाण्यासाठी जगता ?

माणसाच्या  मूलभूत गरजा म्हणजे अन्न , वस्त्र , निवारा . या सर्व गोष्टी असतील तर आपण जगू शकतो मग बाहेर  पडण्याचा आटापिटा  कशाला . रोज दोन भाज्यांच्या ऐवजी एक भाजी खा , थोडे दिवस  भाजी नाही खाली तर विशेष फरक पडणार नाही , कोथिंबिरी शिवाय पण जेवण बनवता  येत . शक्य  असतील तेवढ्या गोष्टी टाळायला शिका . थोडे दिवस जिभेवर  कंट्रोल  करा , संयम पाळा . प्रत्येक गोष्टीला एक वेळ असते ती वेळ  गरजेप्रमाणे वापरली तर त्या वेळेचं  सोन होईल  नाहीतर सर्व मातीमोल होऊन जाईल . प्रत्येकानी हा प्रश्न स्वतःला विचारू  व  घरीच सुरक्षित राहू ..