कहानी सिरियलची

आटपाट नगर होतं  तिथे  सुयश नावाचा हुशार , कर्तबगार तरुण आपल्या परीवारासोबत  सुखाने राहत होता  .  त्याच्या हसऱ्या खेळत्या कुटुंबाला लागलेल्या ग्रहणाची हि कहाणी .  

" अरे हा ओला टॉवेल बेड वरती का टाकला "    

 रागारागात  शुभदा जाब विचारायला हॉल मध्ये आली तशी  कमला ,शुभदाची सासू बेडरूम मध्ये   पटकन  गेली  टॉवेल उचलला   व दोरीवरती वाळत  टाकला . कमलाला खूप अपराध्यासारखा वाटत होतं आपण आपल्या मुलाला शिस्त लावली नाही .  आपण हि आपल्या मुलाचा बबड्याचं  करून ठेवला आहे अस तिला  हल्ली सतत वाटत होतं . 

  एव्हडे दिवस त्याच वागणं दोघीना  कधी खटकलंच  नाही पण हल्ली सुयशच वागणं  दोघीनाही खटकत होतं . सुरुवातीला त्यानेपण हसत -खेळत घेतल पण नेहमीची यांची बोलणी त्याला कटकट वाटू लागली . सकाळी नाश्त्याला पोहे केले तर छोटया चिन्मयने खाण्यास  नकार दिला , मला डोसा  हवा आत्ताच्या  आत्ता  असा हट्टच धरून बसला त्याला कितीही समजावलं तरी पठ्या एकेच ना , म्हणतो कसा बघ ती आसावरी कशी लगेच बनवून  देते तशी तू पण मला बनवून  दे . अशाच छोट्या छोट्या कारणावरून सतत भांडण ,चिडचिड चालू होती . 

  कमलाहि खूप निराश असायची तिला वाटायचं आपण आपल्या मुलाला वाढवताना चूक केली . शुभदाला अस वाटायचं कि आपला मुलगा पण बबड्या होतं  चालला आहे. काल  त्याला  पुस्तकाचं  कपाट  आवरायला सांगितलं तर म्हणतो कसा ," आई , आपणपण आपल्या घरी एक बॉय  आणायचा  का? तो पण माझे सर्व काम करून देईल . "

 हसत - खेळत  घराला भांडणाच , कटकटीच   रूप आलं . सुयशला  कळत  नव्हत नेमक आपल्या घरी काय चालू आहे . 

ऑफिसच काम आटपून सुयश घरी आला  तर तिघे  सिरीयल  बघण्यात गढून गेले होते  , सुयश  आपल्या बाजूला येऊन बसलाय याच भानही त्यांना नव्हतं . अर्ध्या तासाचा भाग बघून झाल्यावर त्याच्या लक्षात आलं कि आपल्या घरात जो बदल झाला आहे त्याला हि  सिरीयल  कारणीभूत आहे . 

एखाद्या नकारात्मक गोष्टीचा  प्रभाव माणसावर किती लवकर होतो . याच उत्तम उदाहरण म्हणजे सुयशच घर . 

कमला आपल्या मुलाला  अठ्ठावीस वर्षांपासून  ओळखते  किती प्रेमाने  काळजी घ्यायचा , प्रत्येक गोष्ट आईला  विचारून करत असे  . शुभदाची काळजीही  तो  इतक्याच प्रेमाने  घ्यायचा पण  घर कामाच्या बाबतीत तो बेशिस्त होता , बऱ्याच गोष्टी त्याला हातात लागायच्या . अर्ध्या तासाचा भाग पाहिल्यावर त्याच्या लक्षात आलं कि ,  या  दोघी  बबड्याची बरोबरी माझ्या सोबत करून माझ्याशी भांडत असतात . 

 सिरीयल संपल्यावर  सुयश जोर जोरात हसू लागला , या दोघीना काहीच कळत नव्हतं .  

तुम्ही त्या बबड्याची बरोबरी माझ्या सोबत करून माझ्याशी भांडत असता काय , आज मला कळलं . दोघींचेही चेहरे बघण्यासारखे झाले होते . 

टीव्ही  सिरीयल  त्यांचा टीआरपी  वाढवण्यासाठी  कुठल्याही थराला  जाऊ शकता  पण आपण काय बघायचे ते आपल्या हातात आहे . अशा सीरिअल मुळे  आपल्या नात्यात , घरात अंतर येणार असेल तर अशा गोष्टी बंद करनच योग्य आहे हे सर्व समजून सांगितल्यावर दोघीनाही त्याच बोलणं पटलं . दोघी तश्या हुशार व सुसंस्कृत होत्या पण या जाळयात कश्या अडकल्या कळलंच  नाही .  सोबत  आपला छोटा चिन्मय अशी सिरीयल बघतो , त्यामुळे त्याच्यात झालेला बदल जाणवत होता   तो चक्क  बबड्याचं  अनुकरण करत होता हे लक्षात येताच दोघींच्या पायाखालची जमीन सरकली .  मागच्या काही दिवसातले असे किस्से आठवून तिघेही खूप दिवसानंतर खळखळून हसले . 

नकारात्मक  सीरियलचा  प्रभाव सुयशच्या घरावरती  झाला तसा  तुमच्या आमच्या घरावरती नको होऊ दे हि साठाउत्तराची कहाणी सफळ  संपूर्ण .