आजचा रंग लाल

लाल रंगाचे प्रतीकात्मक महत्त्व

लाल रंग हा ऊर्जेचा, शक्तीचा, आणि उग्रतेचा प्रतीक आहे. तो विशेषतः जीवन, साहस, आणि उत्साह दर्शवतो. धार्मिक आणि सांस्कृतिक दृष्टिकोनातून, लाल रंग शुभ मानला जातो आणि विविध सणांमध्ये वापरला जातो. भारतीय परंपरेत, विवाहात नवरीला लाल रंगाचे वस्त्र परिधान करण्याचा रिवाज आहे, ज्यामुळे तो सौभाग्य, प्रेम, आणि समर्पणाचं प्रतीक बनतो. लाल रंग रक्ताचा रंग असल्यामुळे तो जीवनशक्ती आणि साहसाचंही प्रतीक आहे. याशिवाय, लाल रंग चेतावणी, सतर्कता, आणि उग्रतेचंही प्रतीक मानला जातो, ज्यामुळे त्याला विशेष महत्त्व दिलं जातं.

आज्ञाचक्र आणि लाल टीकेचं महत्त्व

आज्ञाचक्र हे योगशास्त्रातील सहावे चक्र आहे, जे भुवईंच्या मध्यावर स्थित असतं. हे चक्र ज्ञान, अंतर्ज्ञान, आणि आध्यात्मिक दृष्टिकोनाचं प्रतीक आहे. मानलं जातं की, आज्ञाचक्र जागृत झाल्याने व्यक्तीला उच्च पातळीचं आत्मज्ञान आणि अंतर्मुखता प्राप्त होते.

लाल टीका लावण्याची परंपरा भारतीय संस्कृतीत विशेष आहे. ती भुवईंच्या मध्यावर म्हणजेच आज्ञाचक्राच्या ठिकाणी लावली जाते. लाल टीका शक्ती, सकारात्मकता, आणि संरक्षणाचं प्रतीक आहे. ती लावणं म्हणजे मानसिक स्थैर्य आणि आध्यात्मिक उन्नती प्राप्त करण्याचं प्रतीक मानलं जातं, ज्यामुळे आज्ञाचक्राशी त्याचं भावनिक संबंध आहे.

आपल्या दैनंदिन जीवनात आपण बऱ्याचश्या लाल रंगाच्या पदार्थांचा व वस्तूचा वापर करतो  त्यातलीच एक भाजी म्हणजे टोमॅटो. 

आज लाल रंगाच्या निमित्ताने आपण टोमॅटोचे महत्त्व पाहू

टोमॅटो

 टोमॅटो हे चवीला काहीसे आंबट असतात, कारण यामध्ये सायटीक अॅसिड असते. याशिवाय टोमॅटोमध्ये प्रोटीन, व्हिटॅमीन्स, मिनरल्स आणि फायबरची मात्राही भरपूर असते. हे व्हिटॅमीन ए, व्हिटॅमीन सी, व्हिटॅमीन ई आणि व्हिटॅमीन के चा खूप चांगला स्त्रोत आहे. ही सर्व व्हिटॅमीन्स आरोग्यासाठी खूप चांगली मानली जातात. व्हिटॅमीन ए ची मात्रा असल्याने टोमॅटो डोळ्यांसाठी खूपच फायदेशीर आहे. टोमॅटोमध्ये पोटॅशिअम आणि मँगनीज भरपूर प्रमाणात असते. तसंच टोमॅटो कॅल्शिअम, आर्यन, कॉपर, मॅग्नेशिअम, फॉस्फरस आणि झिंक यासारख्या तत्त्वांनी युक्त असतो. टोमॅटोमध्ये अँटीऑक्सिडेंट गुणही आढळतात, जे कॅन्सर आणि हृदयरोगासारख्या गंभीर रोगांपासून बचाव करण्यासाठी सहायक असतात. टोमॅटोमधील लाल रंग हा त्यातील लाइकोपीनमुळे प्राप्त होतो, जे आरोग्यासाठी खूपच फायदेशीर आहे. याच कारणामुळे कच्चा टोमॅटो पिकल्यानंतर अजून प्रभावकारक ठरतो.  

🍅टोमॅटोचे फायदे 

हाडांच्या बळकटीसाठी ::

टोमॅटोही अक्षरक्षः गुणांची खाण आहे. यामध्ये व्हिटॅमीन के आणि कॅल्शिअम आढळतं, ही दोन्ही तत्त्वं हाडांना मजबूत करण्यात आणि हाडांची दुरूस्ती करण्यात उपयोगी पडतात. तसंच टोमॅटोमधील व्हिटॅमीन सी आणि अँटीऑक्सीडंट हाडातील दोष दूर करण्यास मदत करतं.

🍅टोमॅटोच्या ज्यूसचे फायदे 

टोमॅटोमध्ये पाणी आणि फायबरची मात्रा जास्त असते. त्यामुळे पोट लवकर भरतं आणि फॅट्सही वाढत नाहीत. तुम्ही टोमॅटोचं सेवन ज्यूस, सूप, सॅलड कोणत्याही प्रकारे करू शकता. आम्ही तुम्हाला सांगत आहोत टोमॅटोच्या ज्यूसचे फायदे.

1- जर तुम्हाला लो किंवा बैचेन वाटत असेल तर टोमॅटो ज्यूस प्या. कारण टोमॅटोचा ज्यूस शरीराला उर्जा देतो.

2- टोमॅटोचं सेवन हाय बीपीने त्रस्त असलेल्या लोकांसाठीही फायदेशीर आहे. कारण टोमॅटोमध्ये पॉटेशिअम भरपूर प्रमाणात आढळतं. त्यामुळे टोमॅटोचा एक कप ज्यूसही फायदेशीर आहे. हृदयरोगांमध्येही टोमॅटो ज्यूसचं सेवन गुणकारी असतं. पण हा ज्यूस घेण्याआधी एकदा डॉक्टरांचा सल्ला नक्की घ्या.  

3- टोमॅटोचा ज्यूस फक्त मोठ्यांनाच नाहीतर लहानग्यांसाठीही फायदेशीर आहे. मुलांच्या मानसिक आणि शारीरिक विकासात यामुळे मदत होते. याशिवाय मुलांच्या पोटात जंत झाल्यास सकाळी रिकाम्या पोटी टोमॅटो ज्यूसमध्ये काळीमिरी घालून दिल्यास फायदा होतो.

4- टोमॅटोमध्ये व्हिटॅमीन ए आणि सी आढळतं, जे डोळ्यांची नजर वाढवण्यास मदत करतं.  याशिवाय टोमॅटोमुळे डोळ्यांना होणारा रांताधळेपणाही कमी होतो. टोमॅटो मोतीबिंदूची वाढही रोखतो. 

🍅टोमॅटो सूपही फायदेशीर 

टोमॅटो खाण्याचे जितके फायदे आहेत, त्यापेक्षा कित्येक पटीने जास्त फायदेशीर आहे टोमॅटो सूप पिणं. आपण नेहमीच जेवणाआधी टोमॅटो सूप घेणं पसंत करतो. थंडीत तर हे सूप जास्तच चवदार लागतं. या सूपमध्ये कॅलरीची मात्रा खूपच कमी असते. यामध्ये व्हिटॅमीन ए, ई, सी, के आणि अँटी ऑक्सीडंट्ससारखी पोषक तत्त्व असतात. जी आरोग्यासाठी खूप फायदेशीर आहेत. टोमॅटो सूप पिणाऱ्यांच्या शरीरात कधीच रक्ताची कमतरता निर्माण होत नाही. याशिवाय हे डायबेटीजवरही लाभदायक आहे. धूम्रपानामुळे शरीराचं नुकसान झाल्यास टोमॅटो सूप पिऊन तुम्ही ती उणीव भरून काढू शकता. टोमॅटो सूपमध्ये भरपूर प्रमाणात कॉपर आढळतं, ज्यामुळे नर्व्हस सिस्टम चांगलं राहतं. यामध्ये पोटॅशिअम भरपूर असतं. हे तत्त्व मेंदूला बळकटपणा देतं.

🍅टोमॅटोचे तोटे 

1- टोमॅटोच्या बियांमुले किडनी स्टोन होण्याची शक्यता असते. जर तुम्हाला किडनी स्टोनचा त्रास असेल तर टोमॅटोच्या बिया काढून मग त्याचं सेवन करा.

2- टोमॅटोमध्ये अधिक प्रमाणात आम्ल असतं त्यामुळे ज्यादा सेवन केल्यास अॅसिडीटी होऊ शकते आणि छातीत जळजळही होऊ शकते.

3- टोमॅटोच्या जास्त सेवनाने पोटात दुखणे आणि गॅसचा त्रासही होऊ शकतो.

🍅🍅🍅🍅🍅🍅स्मिता 🍅🍅🍅🍅