डेस्क योग

दुपारच्या वेळी बेल वाजली तशी विभा झोपेतून गडबडून जागी झाली . आता यावेळी कोण आलं असेल असा विचार करत विभाने दरवाजा उघडला तर दारात पुष्कर उभा होता . पुष्करचा  चेहरा उतरला  होता , आईला बाजूला सारत पुष्कर  सोफ्यावरती आडवा झाला . विभा काळजीच्या स्वरात पुष्करची विचारपूस केली त्यावेळी तिला कळलं की , पाठ प्रचंड दुखत होती त्यामुळे ऑफिस मधून लवकर आला आहे . 

पुष्कर हा विभाचा एकुलता एक मुलगा . अभ्यासात प्रचंड हुशार  . दहावी व बारावीला बोर्डात पहिला आला होता . पुढे इंजिनीरिंग साठी त्याला त्याच्या आवडत्या विभागात  मोठ्या कॉलेज मध्ये ऍडमिशन मिळाले . कॉलेज मधून कॅम्पस  सिलेक्शन झाले . पुष्करचं  पॅकेज वाचून विभाचे डोळेच फिरले होते. एवढ्या लहान वयात मुलाने मोठी भरारी घेतलेली पाहून विभाचा उर अभिमानाने  भरून आला होता . 

पुष्करला तासंतास लॅपटॉप वरती काम करावं लागत असे त्यामुळे हल्ली थोडी पाठ दुखत होती पण कामाच्या व्यापात त्याने  ते अंगावर काढले . कधी जास्तच पाठ दुखली तर एखादी पेन किलर  घेत असे . विभाने एक दोन वेळा त्याबद्दल टोकलं  पण मला डॉक्टरकडे जाण्यास वेळ नाही हे कारण सांगून वेळ मारून नेली . 

 विभाने एकेदिवशी पाठ खूपच दुखत होती म्हणून पुष्करला बळजबरी डॉक्टर कडे घेऊन गेली .  डॉक्टरने औषधे दिली व पाठीचे व्यायाम करायला सांगितले .  तेवढ्या पुरती पाठ दुखायचे थांबली . वेळ मिळतच नाही म्हणून व्यायाम मात्र करायला कधी जमलाच नाही . 

आज विभाने पुष्करला परत डॉक्टरकडे नेले , एक्सरे काढला त्यावेळी कळले  पाठीच्या मणक्यांमध्ये गॅप आला आहे . हा त्रास कमी करण्यासाठी महिनाभर तरी  पुष्करला पूर्ण आराम करणे गरजेचे आहे . पाठीचा मनका सरळ ठेवून पूर्ण बेडरेस्ट सांगितली प्रसंगी शस्त्रक्रिया करावी लागेल असे सांगितले .   वेदना एवढ्या असह्य होत्या कि , पुष्करला आराम कारण्यावाचून  पर्यायच नव्हता . 

आजच्या या धकाधकीच्या जीवनात माणसाला श्वास घ्यायला वेळ नसतो त्यामुळे  योग करण्याचा योग कधी जुळूनच  येत नाही! 

एकाच ठिकाणी बसून काम करणाऱ्या लोकांसाठी " डेस्क योग " हा योगाचा प्रकार असतो याची कोणाला माहितीच नसते . 

डेस्क योग म्हणजे ऑफिस मध्ये किंवा  घरून काम करत असताना करता येणारी सोपी आणि प्रभावी योगासने असतात . ही  आसने विशेषतः ताठरपणा ,पाठदुखी , मानदुखी आणि ताण कमी करण्यासाठी उपयुक्त असतात . 

डेस्क योग मधील आसने करायला अतिशय सोपी असतात त्यामुळे आपण ती कुठेही बसून सहजच करू शकतो . 

काहीवेळा सहज व सोपी असल्यामुळे असे आसन  प्रकार करायला लोकं  कानाडोळा करतात पण याचा सर्व नित्य नियमाने केल्यास खूपच प्रभावी परिणाम दिसून येतात . 

यु ट्यूब  वरती डेस्क योग सर्च केल्यास  आपल्याला या आसनाचे प्रात्यक्षिक बघायला मिळेल  

तुम्ही कितीही हुशार असा , गलेलठ्ठ पॅकेज असेल पण तुम्ही  पुष्कर प्रमाणे बिछायन्याला खिळून असाल तर त्याचा काहीच उपयोग होणार नाही 

" सर सलामत तो पगडी पचास "

यातील काही आसन  प्रकार खाली देत आहे ,तो नित्यनियमाने केल्यास खूप चांगले परिणाम अनुभवता येतील 

1. सीटेड कैट-काऊ स्ट्रेच (बैठकीत मांजर-बैल)

• आपल्या खुर्चीवर बसा, पाय जमिनीवर ठेवा.

• हात आपल्या मांडीवर ठेवा, श्वास घ्या आणि छाती पुढे काढा (बैल पोझ).

• श्वास सोडा आणि पाठीला गोलाकार करा (माजरा पोझ).

• हे ५-१० वेळा पुन्हा करा.

2. सीटेड फॉरवर्ड बेंड (बैठकीत पुढे वाकणे)

• आपल्या खुर्चीवर बसा, पाय जवळ ठेवा.

• हळू हळू पुढे वाका आणि हात जमिनीपर्यंत नेण्याचा प्रयत्न करा.

• ५-१० श्वास घेऊन हळू हळू वर या.

3. नेक स्ट्रेच (मान स्ट्रेच)

• आपले डोके हळू हळू एका बाजूला झुका, दुसरीकडे खांदे स्थिर ठेवा.

• ५-१० श्वास घ्या आणि दुसऱ्या बाजूला करा.

• पुढे आणि मागे मान हलवा.

4. सीटेड ट्विस्ट (बैठकीत वळण)

• आपल्या खुर्चीवर बसा, पाय ठेवा.

• आपल्या कंबरेपासून वाका आणि एका बाजूला वळा.

• हाताने खुर्चीला धरून ठेवा.

• ५-१० श्वास घ्या आणि दुसऱ्या बाजूला करा.

5. ईगल आर्म्स (गरुड बंध)

• आपल्या खुर्चीवर बसा, पाय ठेवा.

• एक हात दुसऱ्या हातावर वळवा, आणि कोपराच्या खाली घट्ट बंध घाला.

• ५-१० श्वास घ्या आणि हात बदलून करा.

6. स्ट्रेसबस्टर पोझ (ताण कमी करणारी पोझ)

• आपल्या खुर्चीवर बसा, पाय जमिनीवर ठेवा.

• हात सरळ वर करा, श्वास घ्या.

• हळू हळू पुढे वाका, श्वास सोडा.

• हे ५-१० वेळा पुन्हा करा.

हे आसन आपल्याला कामाच्या दरम्यान ताजेतवाने आणि ऊर्जावान ठेवण्यासाठी उपयुक्त आहेत.